වසර 1867 නොවැම්බර් 07 වනදා පෝලන්තයේ වෝසෝව්හිදී පස් දෙනෙකුගෙන් යුත් පවුලේ බාල දියණිය ලෙස උපත ලද මාරියා සලෝමියා ස්කෝඩව්ස්කා හෙවත් මාරි කියුරි කුඩා කළ සිටම ඉගෙනීමට දක්ෂ විශ්මය ජනක මතකයක් සහිත දැරියකි. රුසියානු ලයිසහි ද්විතීක අධ්‍යාපනය විශිෂ්ට ලෙස නිමකළ මාරියා එහිදී රන් පදක්කමක් දිනා ගත්තාය. මාරියාත් ඇගේ අක්කාත් දෙදෙනොම සරසවි යන්නට වරම් ලැබුවද දෙදෙනෙකුට වැය කරන්නට තරම් මුදලක් ඇගේ පියා අත ලග නොවීය.
”අක්කේ ඔයා විශ්වවිද්‍යාලයට යන්න. මාත් තාත්තත් එක්ක රස්සාවක් කරලා ඔයාට සල්ලි එවන්නම්. ඔයා ඉගෙන ගත්තට පස්සෙ මම එන්නම්.”
මාරියා තම පළමු කැප කිරීම කළේ එලෙසය. ඇය පසුදා සිටම සල්ලිකාර පවුල් වල ළමයින්ට පාඩම් කියාදි මුදල් උපයන්නට විය. මෙලෙස අවුරුදු පහක පමාවකින් පසු 1891 දි මාරියා තම උසස් අධ්‍යාපනය සදහා ප්‍රංශයේ පැරිස් විශ්වවිද්‍යාලයට ඇතුළත් විය. මාරියා, මාරි වූයේ එදාය. ඈ සති ගණනක් තම කුසගින්න නිවා ගත්තේ පාන්, බටර් හා තේ වලිනි. නමුත් ඇය දැනුමින් තව තවත් පොහොසත් වූවාය. එම කැපවීම් ප්‍රථිඵලයක් ලෙස 1893 දී භෞතික විද්‍යා බලපත්‍රයේ ප්‍රථම ස්ථානය ද 1894 දි ගණිත විද්‍යා බලපත්‍රයේ දෙවන ස්ථානය ද ඇයට හිමිවිය.
තම ඉගෙනීම් කටයුතු අතරතුර පැරීසියේ විද්‍යගාරයක රැකියොවක් කළ මාරිට භෞතික විදයොඥෙයකු වූ පියරි කියු මුණ ගැසුනේ එහිදීය. පියරි කියුරි, මාරි ගැන කොතරම් පැහැදුණද යත්, ඔහු 1895 ජූලි මස 26 වනදා මාරි තම බිරිඳ ලෙස එකතු කර ගත්තේය. මාරියා, මාරි කියුරි බවට පත්වූයේ එලෙසය. ලෝක ඉතිහාසයේ සුවිශේෂි හවුල්කාරිත්වය ආරම්භ වු එදා පටන් ඔවුන් දෙදෙනාම එක්ව පරීක්ෂණ සිදු කළහ. එම පරීක්ෂණ ව ප්‍රථිඵලයක් ලෙස Po(පොලෝනියම්) මූලද්‍රවය සොයා ගැනීමට ඔවුන්ට හැකි වුණි. තම මව් රටට ආසීමිතව ආදරය කළ මාරි කියුරි තමා සොයාගත් එම මූලද්‍රවය Po ලෙස නම් කළාය. එම වසරේදිම ඔවුන් දෙදෙනා එක්ව රේඩියම් සොයා ගත්හ. වඩා සුවිශේෂි කාරණාව වන්නේ මරියා මේ සියලු පරීක්ෂණ සිදු කලේ මුල් කාලයේ දරු ගැබක් දරාගෙනත් පසුව දියණියන් දෙදෙනෙකුගේ මවක් ලෙසත් වීමයි.
මෙම සොයොගැනීමේ ප්‍රථිඵලයක් ලෙස 1903 ජුනි මස මාරි කියුරි තම ආචාර්ය උපාධිය හිමිකර ගත් අතර පියරි කියුරි රාජකීය සංගමයේ ඩේව් පදක්කමෙන් පිදුම් ලැබුවේය. එම වසරේදිම භෞතික විද්‍යාව සඳහො වන නොබෙල් ත්‍යාගය ලබා ගැනීමට කියුරි යුවල සමත් විය. එය ඉතිහාසයේ විවාහක යුවලක් එක්ව ලබාගත් පළමු නොබෙල් සම්මානයයි. එසේම මාරි කියුරි නොබෙල් ත්‍යාගයක් දිනාගත් පළමු කාන්තාව ද වේ.
1906 අප්‍රේල් මාසයේ පියරි කියුරි රිය අනතුරකින් මරණයට පත්වීම මාරි කියුරිට අමිහිරි පහරක් මෙන්ම වැදගත් මෙන්ම වැදගත් සන්ධි ස්ථානයක් විය. එතැන් පටන් ඔවුන් දෙදෙනා එක්ව කළ පරීක්ෂණ මාරිට තනිව කරන්නට සිදුවිය. ඒ අනුව කළ පරීක්ෂණ සඳහා 1911 දි මාරි කියුරි රසායන විද්‍යාව සඳහා වූ නොබෙල් ත්‍යාගයෙන් පිදුම් ලද්දාය. ඒ අනුව ඈත මෑත ඉතිහාසයේ වෙනස් ක්ෂේත්‍ර දෙකක් සඳහා නොබෙල් ත්‍යාගය දිනාගත් පළමු කාන්තාව ලෙස මාරි කියුරි ඉතිහාස ගතවේ.
මාරියා තම පරීක්ෂණ කෙරෙහි කෙතරම් ආසා වූවාද යත් වරක් ජනමාධ්‍යවේදිනියක් ”ඔබ වඩාත්ම කැමති කුමකට ද?” ඇසූවිට ඇය පැවසුවේ, ”මට රේඩියම් ග්‍රෑම් එකක් දෙන්න මගේ පරීක්ෂණ සඳහා” යනුවෙනි. වසර ගණනාවක් අධික ලෙස විකිරණශීලීි ද්‍රවය වලට නිරාවරණය වීම හේතුවෙන් වැළදී තිබූ ”Aplastic Anemia” නම් රුධිර ආසාදනයෙන් 1934 ජුලි 4 වනදා මාරි කියුරි මෙලොවෙන් සමුගත්තාය. ඒ තම පරීක්ෂණ ඉදිරියටත් ගෙන යා හැකි දක්ෂ දියණියක් ද ලොවට දායාද කරමින්ය. කියුරි පවුල යනු ඉතිහාසයේ බීහිවූ උගත්ම පවුලයි.
මාරියා භාවිත කළ සටහන් පොත සැලකෙන්නේ ලොව භයානකම සටහන් පොත ලෙසයි. ඒ අසාමාන්‍ය යන්ත්‍ර මන්ත්‍ර හෝ මළවුන් නැගිටවීම ආදිය ඇතුළත් නිසා නොව අධික ලෙස විකිරණශීලීි මූලද්‍රවය සමඟ ගැටී ඇති නිසාය. මෙම පොත ළඟ තබාගන්නා ඕනැම අයෙකුට භයානක රෝගයක් වැළදෙනවා නියතයි. මාරි කියුරි සිදුකළ පරීක්ෂණ ගණනාවක සටහන් ඇතුළත් මෙම පොත ලොව භයානකම සටහන් පොත ලෙස සැලකේ. කෙසේ වෙතත් මෙය අදටත් ප්‍රංශයේ කෞතුකාගාරයක් තුළ සුරැකිව තබා ඇත. මෙය කියවීමට අවසර ලත් පුද්ගලයන්ට පමණක් හිමිවන අතර ඒ සඳහාම විශේෂිත වූ ඇදුම් කට්ටලයක් ද වේ.
වර්තමනයේ ව්‍යවසායිකාවන්ට මෙතුමියගෙන් ගත හැකි ආදර්ශ බොහෝය. නොපසුබස්නා උත්සහය, කැපවීම හා අධිෂ්ඨානය තමන්ගේ ආභරණය කරගනිමින් තම ජීවිතයේ අරමුණ කරා ගමන් කිරීමට බිරිඳක් හෝ මවක් වීම බධාවක් නොවන බව ඇය ලොවට පෙන්වා දුන්නාය.යමක් කිරීමට අරම්භක පියවර තැබීම ඉතාමත් වැදගත් බවත් පියවරෙන් පියවර ඉදිරියට යාම තුලින් තමාගේම සන්නාමයක් ගොඩනගා ගත හැකි බවත් ලෝකයට හඩනගා කියාපෑමට ඇය සමත් විය.
උත්සහවන්ත, විශිෂ්ට ගැහැනියක් වූ මාරි කියුරි සෑම ජයග්‍රහණයක්ම ලබාගත්තේ තම ජීවිතයේ ආදරණීය දියණියක්, සහෝදරියක්, බිරිඳක්, මවක් ලෙස සියලු භූමිකා තුළ තම යුතුකම් හා වගකීම් ද නිසි ලෙස ඉටුකරමිනි.”නූතන භෞතික විද්‍යාවේ මව” ලෙස හැඳින්වෙන මාරි කියුරි සැබවින්ම එක් අතකින් විශිෂ්ඨ ව්‍යවසායිකවකි.
Image Credits :
ලිපියෙහි සම්පුර්ණ අයිතිය අපගේ කතෘ : සෙව්මිණි භාග්‍යා (විද්‍යා පීඨය | 2 වන වසර ශිෂ්‍ය)
What i do not understood is in fact how you’re now not actually a lot more well-favored than you may
be right now. You’re very intelligent. You already know thus considerably with
regards to this topic, made me personally consider it from
so many various angles. Its like men and women are not fascinated except it’s something to accomplish with Woman gaga!
Your personal stuffs great. At all times take care of it up!
thank you for explaining about the figure of the Woman Who Keeps The Most Dangerous Book In The World